Instagram

Katrin Zingerle schwingt ab sofort den Taktstock

Nach 30 Jahren übergibt Sepl Pezzei den Taktstock der Musikkapelle St. Martin in Thurn

1993 übernahm Sepl Pezzei die Musikkapelle Sankt Martin in Thurn, welcher für großartige 30 Jahre am Dirigentenpult stand. Während dieser Zeit hat er Leben in die Musikkapelle hineingebracht, die Freude für das Spielen geweckt und war immer im Stande Jung und Alt zu motivieren. Wir wünschen ihm alles Gute auf seinem weiteren Weg!

Ab jetzt wird die junge, motivierte und musikalisch engagierte Katrin Zingerle den Taktstock schwingen. In den letzten Jahren hat sie in unserer Kapelle Querflöte gespielt und war auch im Vorstand als Chronistin tätig.

Im letzten Jahr hat sie angefangen, sich auf diesen Posten vorzubereiten. Nachdem sie im Winter den Grundkurs für Stabführer gemacht hat, hat sie im Juni den Aufbaukurs mit Bravour abgeschlossen und dann im September die 3-jährige Kapellmeisterausbildung bei Sigisbert Mutschlechner angefangen.

Zu ihrem neuen Lebensabschnitt sagt sie: „Ich freue mich sehr auf diese neue Herausforderung. Mein Ziel ist es, den Musikantinnen und Musikanten meine Freude und Leidenschaft für die Musik weiterzugeben, sie zu begeistern und zu motivieren, sodass sie beim Spielen ihre Gefühle und Emotionen ausdrücken können. Sehr wichtig sind mir die Gemeinschaft im Verein, eine gute Atmosphäre und gegenseitiger Respekt. Nur gemeinsam kommt man ans Ziel. Wenn dies vorhanden ist, kann man gut musizieren und somit die Herzen des Publikums berühren!“ Somit wünschen wir ihr viel Glück, Freude und Geduld bei ihrer neuen musikalischen Reise.

“Taktwechsel” pro nosta musiga

Cun ligrëza se fajunse alsavëi che pro nosta musiga sarál na mudaziun emozionanta tl ann nü 2024.

Do che Sepl Pezzei á por bëgn 30 agn condüt nosta musiga cun gran pasciun y ardimënt fora por alc y basc, surantol sëgn Katrin Zingerle la bachëta da dirighënta.

A Sepl ciamó n gran dilan por döt ci che al á fat por la musiga da San Martin de Tor y a te, Katrin, döt le bun por chësta nöia pert de tüa vita.

🍀🍀🍀 Toi, toi, toi y viva la musiga! 🍀🍀🍀

Festa alaleria 2015 - Festa campestre 2015 - Waldfest 2015

La musiga da S. Martin inviëia
La banda musicale di S. Martin invita
die Musikkapelle St. Martin lädt ein

10:30: Frühschoppen cun liagnes blances, ”Weissbier” y intrategnimënt musical cun Karl und Friedl 
           Matinée con salsicce bianche, "Weissbier" e intrattenimento musicale con Karl e Friedl
           Frühschoppen mit Weißwürsten, Weißbier und Unterhaltungsmusik mit Karl und Friedl. 

14:30: Defilada y conzert dla musiga da Mauls
          Sfilata e concerto della banda musicale di Mules
          Umzug und Konzert der Musikkapelle Mauls

17:30: Musiga da bal cun l´grup The Sunrise
          Musiga da ballo con il gruppo The Sunrise
          Tanzmusik mit der Gruppe The Sunrise

A Osta vijita se conforta la musiga da S. Martin de Tor.
La Vostra visita sarà gradita dalla banda musicale di S. Martino in Badia.
Auf Ihren Besuch freut sich die Musikkapelle St. Martin in Thurn.

Sentimënc, emoziuns y melodies
en record di 100 agn dala pröma gran vera

En domënia, ai 17 de má, dan da en salf plëgn de jënt, á la Musiga da San Martin de Tor albü le plajëi da porté dant so conzert d’aisciöda.

Tröpes proes y n gran impëgn á porté i 51 musiconć dla Musiga da San Martin a presenté le conzert tradizional d’aisciöda, sot a la direziun de Sepl Pezzei.

CATER TOC LIÁ AL RECORD DI 100 AGN DALA PRÖMA VERA MONDIALA

Metü man an cun le “Colonel Bogey March” scrit dl 1914 da Kenneth Alford y conesciü dantadöt dal film de vera The Bridge on the River
Kwai, olache i soldas inglesc prijoniers sciüra la melodia söl tru por ji a fa sö le gran punt sura le rü Kwai.
Spo el gnü recordé le mët man dla vera dl 1914 y i 100 agn da canche la Talia á detlaré vera ai austriacs. L’entusiasm da ji a defëne la patria â porté i omi jogn y plü stersc de sanité dal’eté de 21 fina 40 agn söl frunt dla Galizia y insciö restâl scialdi ma berbesc y ëi dër jogn a defëne l’frunt chilò, che passâ avisa amesa nostes valades fora. A ciasa restâ les ëres sores a laoré i lüsc y implö messâres ciamó dé jö intant ai soldas por ti dé da mangé ala jënt che combatô söl frunt. Nosta jënt â patí dassën la fan y la meseria.
Sciöche introduziun al secundo toch él gnü recordé che al rump tres indô fora veres tl monn y l’ultima plö daimpró a nos é stada chëra tla Ex-Jugoslavia ti agn 1990. Tla composiziun “Slovenia” de Alfred Bösendorfer vëgnel dant na bela descriziun musicala di momënć de vera dla Slovenia cun l’emoziun scöra, critica y de tëma denant che al rumpes fora la vera, le marcé di soldas che va a combate y ala fin le rai de speranza tla liberaziun.
Punt culminant dla serada é sté le record dles situaziuns dramatiches dla vera te nostes valades, ai tröc feris y dantadöt ai compagns o familiars antenac che é stá te vera o che é tomá te vera. Cun l’toch “A Choral for a solemn occasion” dl componist Marc van Delft ti el gnü scinché en pinsier musical a dötes chës porsones che á combatü, patí y a messü lascé la vita te vera por defëne nosta identité y nostes valades. La videoproieziun de fotografies de vera, metödes a desposiziun dal Istitut Ladin “Micurà de Rü”, á porté tl salf na gran emoziun y en gran chit.
Aprijunse bëgn la belëza de nosta tera sön chëra che nüsc antenac á suié sanch y á dé cá süa vita por defëne cun gran orenté süa valada y süa tera por che ara ne rovass nia te mans forestes? Chësc é ste le ultim pinsier dla pröma pert adöm a en bel test fora de en codejel de vera, che á antizipé la composiziun de Jacob de Haan “Queen of the Dolomites” te chëra che al vëgn descrit la belëza de nosta patria, i bi crëp maestusc che fej da cornisc a nosc bosc, pra y paisc y la pesc che la bela contrada po se dé.

SECUNDA PERT

La secunda pert é jöda inant cun cater de bi toć da conzert.
Le pröm toch é sté l’aranjamënt dl classicher “Sweet Caroline”. Neil Diamond á albü en suzess fenomenal cun chësta ciantia ispirada al retrat de Caroline, la möta de John F. Kenedy, al eté de cinch agn sön so ciaval y ia do sü geniturs.
La composiziun te cater stii musicai desfarënc “Castles in Spain“ de R. Beck & J. Mabaar á spo porté tl salf na bela atmosfera spagnola.
Dedo an podü aldí la composiziun de Elton John y Hans Zimmer fora dl film de Walt Disney, “The Lion King“.
Le conzert é jü a fin cun le toch “Über sieben Brücken” dl grup rock Karat nasciü dl 1975 tla DDR. Le pinsier al publich é ste che ince sce te mësses passé sura set punc, passé set agn scürs, ester set agn le cënder, un en iade saraste en rai lominus.
La sëra é jöda a fin cun le bel cianté dla jona Ilenia Videsott tl suplemënt “Böhmischer Traum”.

ONORANZES

Danter les döes perts él gnü tut l’ocajiun da surandé valgönes onoranzes sciöche rengraziamënt dl gran impëgn y dl tröp tëmp dediché ala musiga. Al é gnü onoré por i 10 agn de ativité Manuela Pezzei, Katja Clara, Franz Moling y por i 20 agn Lucia Sorà y Roman Castlunger.
A düć en gran dilan y l’aodanza de ciamó tröc agn de ligrëza y sodesfaziun tla Uniun dla Musiga da San Martin de Tor.
Spo él ince gnü saludé y presenté i musiconć nüs: Tanja Graffonara, Teresa Planatscher, Marina Rubatscher al fabló; Arianne Schanung al oboa; Jessica Dapoz al fagot; Silvia Graffonara al tlarinet y la marcadëntra Marina Dapoz.

RENGRAZIAMËNĆ

La Musiga da San Martin oress tó l’ocajiun da rengrazié düć chi che á dé so contribut por le bun garaté dl conzert y dötes chës porsones che sostëgn süa ativité ia por l’ann, sides cun l’aiüt finanziar che ince moral.
En dilan i speta al presidënt Simon Tavella cun düć i mëmbri dl comite, che manajëia la uniun te so tëmp lëde y ince al dirighënt Sepl Pezzei.
En gran dilan y complimënt ti vá dantadöt a düć i musiconć che á dé cá so tëmp y süa orenté por imparé ite le program nü scialdi impegnatif, ti auguran inant a vignun ligrëza y sodesfaziun pro la Musiga.

Daniela Clara
por la Musiga da San Martin de Tor
 

Melodies d’aisciöda a San Martin de Tor

En sabeda, ai 24 de mà, dan da en salf plëgn de jënt, à la Musiga da San Martin de Tor albü le plajëi da portè dant so conzert d’aisciöda.

Tröpes proes y n gran impëgn à portè i 49 musiconć dla Musiga da San Martin a presentè le conzert tradizional d’aisciöda, sot a la direziun de Sepl Pezzei.
Do le salüt dl presidënt Simon Tavella à la musiga sonè ite la pröma pert dla serada cun l’marsc fora dl tëmp dles musighes da regimënt “Salut a Luxemburg” de Edmund Patzke.
An é spo passà ala sinfonia “Festa Campestre” dl componist Mario Bartolucci; en toch che liëia adöm le marsc - interpretan la sensibilité popolara - cun la tradiziun lirica y dla musiga taliana.
Tl zënter dl’atenziun é spo stada la solista de saxofonn Esther Videsott che à interpretè le toch “Csardas” de Vittorio Monti, aranjé da Alain Crepin.
La pröma pert é gnöda stlüta jö cun la polca dal titul “Die schönsten Jahre” de Armin Kofler.
Tla secunda pert éra jöda inant cun trëi de bi toć da conzert y en marsc.
Cun la composiziun “Pasadena” descrî le componist olandesc la cité de Pasadena tla California. Jacob de Haan, un di componisć plü populars dl mumënt, é conesciü dandadöt por sües composiziuns che combinëia deplü stils musicai te na atmosfera de musiga da film.
“Schmelzende Riesen” é stè le punt culminant dla serada. Le componist südtirolesc Armin Kofler descrî le mudamënt dl tlima, che se lascia adintëne inće tl europa cun la retrata di dlacià alpins. Tratan chësc tòch an podü amiré la videoproieziun de fotografies de Gustav Willeit, che sön l’ispiraziun dla melodia particolara y le pinsier dl componist, à portè dant la belëza dles munts fora por le monn y l’ega te sües formes desvalies de niores, nëi y dlacia, lascian le publich al pinsier dla funziun de vignun tla bela contrada.
Dedô él gnü presentè “One Moment In Time”, l’aranjamënt dl componist Markus Götz dl inn olimpich cianté da Whitney Houston l’ann 1988.
Le conzert é jü a fin cun le marsc “Alte Kameraden” de Carl Teike.

ONORANZES

Danter les döes perts él gnü tut l’ocajiun da surandè valgönes onoranzes sciöche rengraziamënt dl gran impëgn y dl tröp tëmp dediché ala musiga. Al é gnü onorè por i 10 agn de ativité Franca Frenademetz, Sofia Clara, Maria Christine Conrater y por i 15 agn Esther Videsott.
A düć en gran dilan y l’aodanza de ciamò tröc agn de ligrëza y sodesfaziun tla Uniun dla Musiga da San Martin de Tor.
Spo él inće gnü saludé y presentè i musiconć nüs: Anna Unterweger y Jacqueline Pezzei al fabló, Linda Zingerle al tlarinet y la marcadëndra Melanie Clara.

RENGRAZIAMËNĆ

La Musiga da San Martin oress tó l’ocajiun da rengrazié düć chi che à dè so contribut por le bun garatè dl conzert y dötes chës porsones che sostëgn süa ativité ia por l’ann, sides cun l’aiüt finanziar che inće moral.
En dilan i speta al presidënt Simon Tavella cun düć i mëmbri dl comitê, che manajëia la uniun te so tëmp lëde y inće al dirighënt Sepl Pezzei.
En gran dilan y complimënt ti và dandadöt ai düć i musiconć che à dè cà so tëmp y süa orentè por imparè ite le program nü scialdi impegnatif, ti auguran inant a vignun ligrëza y sodesfaziun prò la Musiga.

Daniela Clara
por la Musiga da San Martin de Tor

Festa alaleria 2013 - Festa campestre 2013 - Waldfest 2013

10:00: Matinée cun liagnes blances, “Weissbier” y musiga 
           Matinée con salsiccie bianche, “Weissbier” e musica
           Waldfest-Frühschoppen mit Weißwürste, Weißbier und Musik

14:30: Sfilada y conzert dla musiga da St. Peter/Lajen
          Sfilata e concerto della banda musicale di St. Peter/Lajen
          Umzug und Konzert der Musikkapelle St. Peter/Lajen

17:30: Musiga da bal cun l´grup Vollgas
          Musiga da ballo con il gruppo Vollgas
          Tanzmusik mit der Gruppe Vollgas

A Osta vijita se conforta la musiga da S. Martin de Tor.
La Vostra visita sarà gradita dalla banda musicale di S. Martino in Badia.
Auf Ihren Besuch freut sich die Musikkapelle St. Martin in Thurn.

Conzert d’ansciöda 2013

Melodies d’aisciöda a San Martin de Tor

En domënia, ai 2 de jügn, dan da en salf plëgn de jënt, à la Musiga da San Martin de Tor albü le plajëi da portè dant so conzert d’aisciöda.

Do tröpes proes y n gran impëgn da pert di 47 musiconć, à la Musiga da San Martin podü portè dant, sot a la direziun de Sepl Pezzei, le conzert tradizional d’aisciöda.

Do le salüt dl presidënt Simon Tavella à la musiga sonè ite la pröma pert dla serada cun l’inn da festa “Lob, Ehr und Preis” de Kurt Gäble.

An é spo passà al marsc “Flott voran” dl componist Siegfried Rundel, dër conesciü por sües composiziuns y sü aranjamënć de cualité che é adatà por de piceres musighes de paîsc.

La polca plëna de sentimënt y rica de melodia “Wir Musikanten” de Kurt Gäble cunta val’ sura i musiconć, sciöche le test de Paul Nagler dij: i musiconć, lià adöm dal sonè y dal ćiantè, resta amisc por döta la vita. Ai à l’armonia tl sanch y la musiga i fej veramënter bun.

Cun l’overtüra da conzert dal titul “Der Waldsänger” lascia le componist Josef Abwerzger ciarè i ascutadus te süa patria de crëp, bosc y lêć. La bela strotöra melodica imitëia cun gran sentimënt l’atmosfera dl bosch che inviëia vigni escurscionist a se intonè tl conzert dla bela natöra y di tiers.
La pröma pert é gnöda stlüta jö cun le marsc di lauranć dles tesciaries, “Textilaku” dl componist slovach Karol Pádivý.

Tla secunda pert éra jöda inant cun notes y melodies en pü’ plö modernes y cun de bi ritms.
L’elaboraziun “Rock it!” de Kurt Gäble é na composiziun dles ćianties: “Na Na Hey Hey Kiss Him Goodbye”, “Rock around the Clock”, “Let's Twist Again”, “See You Later, Alligator”.
  “Ester adulć, ci é pa chël? Döt sarà pordü sce en bel dé ne sunsi nia plü buna de avëi ciamò val’sentimënt da möta” dij la vedla tartaruga Nessaja al pice dragun Tabaluga che la incunta sön so tru ala chirida dl intelet. Les beles melodies dl toch “Nessaja” o “Ich wollte nie erwachsen sein”, tut fora dal album de Peter Maffay “Tabaluga oder die Reise zur Vernunft”, à fat da culissa ales beles parores dl test ćiantè da Jacqueline Pezzei.

Tl zënter dl’atenziun é spo sta i solisć de saxofonn tla composiziun plëna de temperamënt cun le toch ”Sax Time”, en trio de saxofonn cun acompagnamënt de orchestra de strumënć a flè dl componist Harm Evers.
 Le conzert é jü a fin cun le Bozner Bergsteigermarsch de Sepp Tanzer cun strofes ćiantades dai musicontri.

12 ONORANZES POR I 10 AI 60 AGN DE ATIVITÉ
 Danter les döes perts él gnü tut l’ocajiun da surandè valgönes onoranzes sciöche rengraziamënt dl gran impëgn y dl tröp tëmp dediché ala musiga. Al é gnü onorè por i 10 agn de ativité Karin Ploner, Barbara Clara, Jasmin Clara y Michael Moling; por i 25 agn de ativité Hubert Planatscher, Felix Craffonara y Erwin Clara y por i 40 agn de ativité Giovanni Ploner, Franz Ploner y Sepl Clement.
A dui mëmbri particolars ti él inće gnü surandè döes onoranzes particolares: le musiconter Sepl Flöss é gnü onorè por sü 60 agn de ativité prò la musiga y Sepl Pezzei à podü pié do le sëgn de mirit d’or por i 20 agn da dirighënt.
 A düć en gran dilan y l’aodanza de ciamò tröc agn de ligrëza y sodesfaziun tla Uniun dla Musiga da San Martin de Tor.

Tratan les onoranzes à le surastant dla Uniun Musighes Val Badia, Heinz Canins, tut l’ocajiun da rengrazié so predezessur Carlo Castlunger por süa lungia ativité, so gran impëgn y süa disponibilité.
Spo él inće gnü saludé y presentè i musiconć nüs: Katrin Zingerle y Ilenia Videsott al fabló, Sara Zanon al tlarinet, Mara Clara y Nadia Mischì al saxofonn, Manuel Daporta ales percusciuns y la musiconta Franca Frenademetz che ala fin de sü stüdi é indô gnöda zeruch.

RENGRAZIAMËNĆ
 La Musiga da San Martin oress tó l’ocajiun da rengrazié düć chi che à dè so contribut por le bun garatè dl conzert y dötes chës porsones che sostëgn süa ativité ia por l’ann, sides cun l’aiüt finanziar che inće moral.
En dilan i speta al presidënt Simon Tavella cun düć i mëmbri dl comitê, che manajëia la uniun te so tëmp lëde y inće al dirighënt Sepl Pezzei.

En gran dilan y complimënt ti và dandadöt ai düć i musiconć che à dè cà so tëmp y süa orentè por imparè ite le program nü scialdi impegnatif, ti auguran inant a vignun ligrëza y sodesfaziun prò la Musiga.

Daniela Clara